विवादित फेसबुक लाइभपछि ज्ञानेन्द्र शाहीको स्पष्टीकरण
राप्रपा नेता ज्ञानेन्द्र शाहीले जापानबाट गरेको फेसबुक लाइभ विवादमा परेपछि उक्त लाइभ हटाएका छन्। त्यसपछि उनले सामाजिक सञ्जालमार्फत आफ्नो भनाइको स्पष्टीकरण सार्वजनिक गर्दै विदेशमा रहेका सम्पूर्ण नेपालीलाई लक्षित गरेर टिप्पणी नगरेको बताएका छन्।
शाहीले आफ्नो टिप्पणी टीओबी ग्याङ, सहकारी ठगीमा संलग्न, अपमानजनक सामग्री बनाएर विवाद सिर्जना गर्ने तथा महिलाको सम्मान नगर्ने प्रवृत्तिविरुद्ध रहेको दाबी गरेका छन्। उनले आलोचना सबैको अधिकार भए पनि सत्यतथ्यमा आधारित, सभ्य र जिम्मेवारीपूर्ण हुनुपर्ने उल्लेख गरेका छन्।यता, लाइभ हटाएर स्पष्टीकरण दिएपछि पनि सामाजिक सञ्जालमा उनको पक्ष र विपक्षमा बहस तथा आलोचना जारी रहेको छ।
