दार्चुलाको गोकुले,चौपाता र पस्तिमा मात्रै आँखा शिविर किन ? कति जनाले लिए सेवा ?
दार्चुला।
आखाँ विशेषज्ञ पदमराज विष्ट को टोली असोज २३ गतेदेखि दार्चुलामा आँखा शिविर सन्चालन गरिरहेको छ।
नारायणी आँखा अस्पताल वीरगंज -२ पर्सा नेपालको आयोजनामा , आँखा अस्पताल महेन्द्रनगर र गेटा आँखा अस्पताल को प्राविधिक सहयोगमा ‘निःशुल्क आँखा परीक्षण तथा शैल्यक्रिया शिविर’ दार्चुलामा सन्चालन भइरहेको हो।
असोज २३,२४ र २५ गते शैल्यसिखर नगरपालिका -९ गोकुलेश्वर मा सन्चालन गरिएको शिविरमा ८०१ जनाको चेकजाँच र ११५ जनाको शैल्यक्रिया गरिएको र २६, २७ गते लेकमको चौपातामा सन्चालित शिविर मा ८०४ जनाको चेकजाँच एवम् ६८ जनाको शैल्यक्रिया गरिएको शिविरमा सहभागी नेत्र अधिकृत महेन्द्रनगर आँखा अस्पताल कन्चनपुर का प्रमुख विरसिंह धामीले बताएका छन्।
असोज २८, लेकमबाट विदाई मालिकार्जुन पस्तिका लागि प्रस्थान :
शिविर आज लेकम बाट बिदा भई मालिकार्जुन को पस्तिमा २९ र ३० गते सन्चालन हुने शिविरका लागि टोलि ततातर्फ प्रस्थान गरेको छ। लेकम -५ चौपातामा सम्पन्न विदाई समारोह लेकम गाउँपालिका का निमित्त प्रमुख प्रशासकीय अधिकृत शेखर चन्द्र ओझा को अध्यक्षता , पालिका प्रमुख राम दत्त जोशी को प्रमुख आतिथ्यता एवम् नेत्र विशेषज्ञ पदमराज विष्ट को विशिष्ट आतिथ्यतामा सम्पन्न भएको थियो।
टोलिको बिदाई फुल,माला, प्रमाणपत्र,खादा सहित गरिएको थियो। कार्यक्रममा लेकम -५ का वडा अध्यक्ष बलदेव सिंह बोहरा, वडा सदस्य रेवाधर जोशी, चौपाताका विव्यस अध्यक्ष परमानन्द जोशी लगायतको उपस्थिति रहेको थियो भने कार्यक्रमको सन्चालन वडा नं -५ का सचिव दिपक सिंह धामी ले गरेका थिए।
दार्चुलाको अन्य ठाउँमा शिविर किन सन्चालन गरिएन ?
नेत्र विशेषज्ञ पदमराज विष्ट का अनुसार – पूर्व योजना दार्चुलाको तीन ठाउँका लागि मात्रै भएकाले र लगत्तै अर्को शिविर जिल्लाका अन्य स्थानीय तहहरु केन्द्रित सन्चालन गरिनेछ।
